Terrace in seaside (海運大廈)

營業中

休息中

韓式奶油排骨鍋（辣味）見好多檯都有叫韓式奶油排骨鍋，我地都叫黎試試，食落辣味十足，非常惹味。鍋入面嘅排骨煮得非常入味軟諗，奶油醬汁濃郁滑順，辣味適中，唔會過於搶味，令排骨嘅鮮味更加突顯。配上年糕同韓式粉絲，簡直係一個完美嘅組合，食完之後令人好滿足。-啖啖蟹肉千層麵千層麵嘅擺盤非常精緻，每一層麵皮都包住新鮮嘅蟹肉，口感層次分明。蟹肉嘅甜味同濃郁嘅乳酪醬結合得恰到好處，每一口都令人享受，真係唔可以錯過！-幽靈來襲！士多啤梨朱古力窩夫最後當然要試試佢地嘅甜品啦～我地叫左一款萬聖節特別推出嘅窩夫🎃 賣相非常吸睛，絕對睇得又食得😋 窩夫外脆內軟，上面覆蓋住厚厚嘅士多啤梨醬同朱古力醬，味道甜而不膩，非常適合作為餐後甜點😛-濟洲柑橘乳酸梳打飲品方面我揀咗濟洲柑橘乳酸梳打，一啖落去清新無比，酸酸甜甜，特別適合配合辣辣嘅食物，令整個用餐體驗更加清爽。-惡鬼荊棘海提子沙冰呢款沙冰用咗新鮮提子製作，口感滑溜，絕對係消暑嘅最佳選擇。提子嘅天然甜味同冰沙結合，令人忍不住想再嚐多一口。