ChumChum味 (已結業)

成日想都好想係香港搵一間可以食韓國牛腸既舖，見到哩間有得食就梗係去試下啦😆依到有室內同室外位，室內係韓式餐廳既風格，室外就係西式餐廳既風格。一坐底店員就會比小菜，有韓國魚糕、西蘭配香腸同辣醃蘿蔔。依個牛腸鍋除咗有3款唔同部位既腸，仲有牛心同好多配料，包括韭菜、年糕、薯仔🥔洋蔥🧅菇🍄泡菜。年糕煎到脆脆地好好食😋牛腸方面，有牛小腸、牛大腸同牛大腸頭。三款腸都十分之爽口，又唔會有牛腥味。牛大腸就有好多油脂，一開始都驚會油膩，但係夾埋韭菜一齊食岩岩好。至於牛心真係第一次食，以為會好腥，點知又唔會喎😲反而好有牛香🐮