影片
更多
2023-12-17
162 瀏覽
就快就聖誕節，諗好咗同朋友去邊度食大餐呢？今次就同大家介紹呢一間位於尖沙咀嘅韓式料理，呢度位於尖沙咀A出口附近，交通夠哂方便。而且呢度最特別係有供應韓國直送嘅韓牛燒肉。一入座，店員提供六款唔同嘅前菜：菠菜、芽菜、泡菜、薯仔、蒟蒻，顏色同埋份量都好多。我特別鍾意食芽菜，泡菜同埋菠菜，食落幾香脆。難得有由韓國直送嘅韓牛，當然要試吓韓牛燒肉啦，今次我哋兩個人就揀咗呢個500克套餐，有上腰肉、薄桾肉、牛排肉同牛后胸肉。牛肉睇落好吸引，粉嫩而且油脂分布平均，燒到5成至7成成，油脂出哂嚟，食落滑口又富有油香。我地比較鐘意食上腰肉同薄桾肉，岩埋生菜同紫蘇藥食就唔怕油膩。如果怕太豐富，大家都可以散叫唔同嘅部位牛肉！食完牛肉，當然要食返啖冷麵解一解油膩。呢個蕎麥麵食落好幼身滑口，而且分量都幾大碗，配菜有牛腱、梨同青瓜，食落幾清新，而且湯底落左雪梨汁同醋，食落甜甜酸酸。另外，呢度熱食都好足料。海鮮蔥花餅用左原隻蝦、魷魚圈同香蔥，煎得外層香脆，內裡口感非常豐富。而牛肋骨食落帶點甜味，牛肉炆到稔身入味，不論係牛肉定蘿白, 用筷子就可以輕輕分開。冬菇同樣入味。整體而言，呢度食物味道都唔錯。韓牛粉嫩，油脂分布平衡
一入座，店員提供六款唔同嘅前菜：菠菜、芽菜、泡菜、薯仔、蒟蒻，顏色同埋份量都好多。我特別鍾意食芽菜，泡菜同埋菠菜，食落幾香脆。
難得有由韓國直送嘅韓牛，當然要試吓韓牛燒肉啦，今次我哋兩個人就揀咗呢個500克套餐，有上腰肉、薄桾肉、牛排肉同牛后胸肉。牛肉睇落好吸引，粉嫩而且油脂分布平均，燒到5成至7成成，油脂出哂嚟，食落滑口又富有油香。我地比較鐘意食上腰肉同薄桾肉，岩埋生菜同紫蘇藥食就唔怕油膩。如果怕太豐富，大家都可以散叫唔同嘅部位牛肉！
食完牛肉，當然要食返啖冷麵解一解油膩。呢個蕎麥麵食落好幼身滑口，而且分量都幾大碗，配菜有牛腱、梨同青瓜，食落幾清新，而且湯底落左雪梨汁同醋，食落甜甜酸酸。
另外，呢度熱食都好足料。海鮮蔥花餅用左原隻蝦、魷魚圈同香蔥，煎得外層香脆，內裡口感非常豐富。而牛肋骨食落帶點甜味，牛肉炆到稔身入味，不論係牛肉定蘿白, 用筷子就可以輕輕分開。冬菇同樣入味。
整體而言，呢度食物味道都唔錯。韓牛粉嫩，油脂分布平衡。雖然小食定價有點高，但幾大份足料，岩哂同朋友嚟聚會食野，有機會都不妨嚟試試～～
韓牛 SET MENU 1
$1080
11 瀏覽
0 讚好
0 留言
海鮮蔥花餅
$180
20 瀏覽
0 讚好
0 留言
凍湯辣醬蕎冷麵
$140
14 瀏覽
0 讚好
0 留言
炖牛肋骨
$280
3 瀏覽
0 讚好
0 留言
張貼
