影片
更多
2024-07-08
161 瀏覽
朋友介紹左呢間主打韓國粥嘅餐廳，平時真係好少食粥，估唔到韓國粥咁特別，又幾好推介😝叫左泡菜章魚粥，真係好大碗，一個人食真係未必食得晒，仲要係熱辣辣。同平時香港嘅粥好唔同，唔似煲到勁綿勁水，仲可以見到米嘅原形，食入口都係好軟熟嘅粥，加左泡菜，有好香嘅蒜味，仲有麻油香，入而仲加左章魚、紅蘿蔔🥕，食落微辣，係幾開胃嘅粥！朋友就想試下烏冬，叫左韓式牛肉烏冬，餸同湯烏冬係分開上，牛肉加左洋蔥、紅蘿蔔、椰菜一齊炒，食落甜甜地。烏冬湯底比較清甜，唔會太濃，仲加入左豆卜。另外點左濟州黑豚肉餃子，餃子煎到外層香脆，咬落有勁多肉汁，蘸上韓式醬汁更好味！整體黎講，呢間餐廳嘅韓國粥幾特別，亦都唔係咁多地少有得食，平時韓國野都比較重口味，想食清D嘅韓國野可以試下呢間😋
叫左泡菜章魚粥，真係好大碗，一個人食真係未必食得晒，仲要係熱辣辣。同平時香港嘅粥好唔同，唔似煲到勁綿勁水，仲可以見到米嘅原形，食入口都係好軟熟嘅粥，加左泡菜，有好香嘅蒜味，仲有麻油香，入而仲加左章魚、紅蘿蔔🥕，食落微辣，係幾開胃嘅粥！
朋友就想試下烏冬，叫左韓式牛肉烏冬，餸同湯烏冬係分開上，牛肉加左洋蔥、紅蘿蔔、椰菜一齊炒，食落甜甜地。烏冬湯底比較清甜，唔會太濃，仲加入左豆卜。
另外點左濟州黑豚肉餃子，餃子煎到外層香脆，咬落有勁多肉汁，蘸上韓式醬汁更好味！
整體黎講，呢間餐廳嘅韓國粥幾特別，亦都唔係咁多地少有得食，平時韓國野都比較重口味，想食清D嘅韓國野可以試下呢間😋
張貼
