韓屋

營業中

休息中

之前行過韓國街，見哩間韓式小店好多人食，今次中午行過見冇乜人就入去試下。一坐低，佢會先上免費嘅辣蘿蔔，食落唔會太辣，只有小辣程度。佢地主打食傳統韓國料理，有參雞湯、牛肉湯、豬肉湯、拌飯同餃子。雪濃湯($138) - 去過韓國旅行都實會食一間雪濃湯，佢係用牛骨同精肉一齊煲，煲好長時間煲到佢雪白色而成，雪濃湯本身冇跟飯，可以另加$15加配紅米飯。雪濃湯熱辣辣，好啱而家開始凍凍地嘅天氣飲，飲完真係成個人暖晒，湯頭好清甜牛骨味，入面有唔少牛肉同洋蔥。炒豬肉石鍋芝士拌飯($128) - 石鍋飯同樣係熱辣辣，面頭鋪滿紫菜、芽菜、蘿蔔絲、蛋絲、菠菜，上面仲有炒豬肉同芝士。下面嘅飯同樣用左紅米飯，非常健康，食到底仲有少少飯焦添。提子果汁($25) & 檸檬梳打($27) - 哩隻提子汁係有果肉嘅，我都幾鍾意飲。檸檬梳打酸酸地好開胃。總結，野食好夠熱辣辣，份量都大份，如果兩個人建議叫一個飯，再搭其他小食就夠。