影片
更多
2023-03-20
50 瀏覽
同朋友傾開尖沙咀好多韓國野食，佢介紹左另一間叫Hoo韓國包車，我地上到去發覺裝潢和氛圍都充滿著韓國街頭既元素，仿似置身係韓國。我地叫左兩樣小食，一個中size甜辣炸雞($158)，炸雞上面鋪滿甜辣醬，甜辣醬帶有少少蒜味，少少辣而且帶甜酸味，食落好開胃。韓國炸雞技術同時間掌握得好好，外脆內軟。中size黎講炸雞件數都唔少，有7大件，兩個人食都夠哂。待應仲好貼心咁遞上一大碟白蘿蔔，食濃味野食時間中可以清一清口腔👍🏻.另外我地叫左個卜卜脆炒豬軟骨拼拳頭飯($142)，呢樣係出面韓國餐廳比較少見。豬軟骨同平時食開好唔同，平時食落會一舊舊，要咀嚼好耐先咬得爛；但呢間既豬軟骨會切薄片，食落另一個口感，好似食緊豬耳咁。豬軟骨加埋豬肉一齊食，一軟一脆，口感更加豐富！拳頭飯雖然冇咩配料，只係基本既紫菜、芝麻同飯，但加左麻油做調味，香左好多😋.飲品方面，我哋叫咗一杯柚子牛奶樂同荔枝梳打。柚子牛奶樂其實係燒酒飲品。燒酒味幾濃，清新既柚子同牛奶味中和左燒酒既刺激性。令到成杯野飲相對易入口在場都幾多女仔會叫黎試下👍🏻荔枝梳打亦都好清甜解渴😄.總括：我地都覺得呢間無論係食物定裝潢都令你好似係韓國路邊攤食野飲酒咁，
甜辣炸雞
$158
15 瀏覽
0 讚好
0 留言
韓國炸雞技術同時間掌握得好好，外脆內軟。中size黎講炸雞件數都唔少，有7大件，兩個人食都夠哂。
待應仲好貼心咁遞上一大碟白蘿蔔，食濃味野食時間中可以清一清口腔👍🏻
.
卜卜脆炒豬軟骨拼拳頭飯
$142
21 瀏覽
0 讚好
0 留言
豬軟骨加埋豬肉一齊食，一軟一脆，口感更加豐富！拳頭飯雖然冇咩配料，只係基本既紫菜、芝麻同飯，但加左麻油做調味，香左好多😋.
飲品方面，我哋叫咗一杯柚子牛奶樂同荔枝梳打。
柚子牛奶樂其實係燒酒飲品。
燒酒味幾濃，清新既柚子同牛奶味中和左燒酒既刺激性。
令到成杯野飲相對易入口
在場都幾多女仔會叫黎試下👍🏻
荔枝梳打亦都好清甜解渴😄
.
總括：我地都覺得呢間無論係食物定裝潢都令你好似係韓國路邊攤食野飲酒咁，氣氛十分好。
想夜晚食既朋友記得一定要book枱！我地7點幾去到已經爆場，仲有人排緊隊，到我地食到大約9點果陣都仲係keep住爆同排隊。
張貼
