Sodam Chicken (已結業)

一向都鍾意食香口嘢，炸雞更加係首選。但人少始終唔夠過癮。今日有機會多DD人。一於食炸雞！最後一致贊成去連鎖店(唔係KXC)，於韓國開設70間分店的Sodam Chicken韓式炸雞專門店。黃金鹹蛋炸雞餐牌上列明係限量供應，就試下佢。真係好好好好食！外表與一般炸雞差不多，金黃色。但味道係幾倍咁好食。外皮非常香脆，加上牛油煮香既鹹蛋黃完全滲入炸粉，真係無得輸。雞件內面保持非常Juicy, 再加上係無骨雞件。太太太好食了。辣味炸雞一樣係無骨雞件。炸雞件上面淋上香辣醬汁，食完第一啖覺得唔夠辣，正想認叻之際，辣味從喉嚨湧上嚟，絕對有料到，非常過癮。呢個送酒一流。魚串湯味道有少少似日本既關東煮。韓國醬油湯底，加入魚板和大量蔬菜提味。值得試下。芝士薯條呢個同一般西餐廳做法唔同。並唔係加芝士喺面再焗，而係用濃濃既芝士粉代替。薯條保持到乾身、香脆。Apple Cider 食炸嘢配啤酒，又係嗰三個字 - 無得輸。下次要約多次，要全部唔揸車。一定更加盡慶。