影片
更多
2023-12-26
30 瀏覽
凍冰冰天氣真係好想食熱嘢，呢間韓國街嘅粥店啱晒我心意，專門食釜山粥、烏冬，特登叫老公同我去食😆泡菜章魚粥 $128初時怕粥會比較淡味，見到呢款泡菜粥嘅相顏色好靚，就揀咗。一上枱熱辣辣，香噴噴，泡菜好味得來唔會好辣，配上好似糊仔嘅粥，非常之好味，章魚粒都好食，但係就略嫌少咗啲😆粥裏面有好多蔬菜小粒，少少爽口之餘，又營養豐富。泡菜五花腩鳥冬 $118烏冬賣相啱晒打卡，泡菜五花腩係分開上，整體幾精緻㗎。泡菜五花籃惹味就不在話下，五花腩肥瘦啱啱好，薄片一口一件有泡菜中和油膩，好好味，配搭比較青嘅熱辣辣煙韌湯烏冬，絕配。韓牛餃子 $82餃子用半煎炸形式炸得金金黃黃，食落好脆口，皮薄餡靚，滿滿嘅牛肉餡料充滿肉汁，沾上特別調製嘅餃子汁真係食到舔舔脷。
泡菜章魚粥 $128
初時怕粥會比較淡味，見到呢款泡菜粥嘅相顏色好靚，就揀咗。一上枱熱辣辣，香噴噴，泡菜好味得來唔會好辣，配上好似糊仔嘅粥，非常之好味，章魚粒都好食，但係就略嫌少咗啲😆粥裏面有好多蔬菜小粒，少少爽口之餘，又營養豐富。
泡菜五花腩鳥冬 $118
烏冬賣相啱晒打卡，泡菜五花腩係分開上，整體幾精緻㗎。泡菜五花籃惹味就不在話下，五花腩肥瘦啱啱好，薄片一口一件有泡菜中和油膩，好好味，配搭比較青嘅熱辣辣煙韌湯烏冬，絕配。
韓牛餃子 $82
餃子用半煎炸形式炸得金金黃黃，食落好脆口，皮薄餡靚，滿滿嘅牛肉餡料充滿肉汁，沾上特別調製嘅餃子汁真係食到舔舔脷。
張貼
