阿利水韓國料理 (已結業)

基於韓風襲港既關係, 朋友個個都中晒韓毒, 以為食泡菜就係韓星。好, 咁我今次就陪下佢地啦。一開始真係無咩期待, 因為始終都係香港, 我諗唔多唔少都有港味。朋友一早就BOOK定位, 好似驚死無得食咁。點知一去到真係FULL BOOKING, 令我明白到BOOK位既重要性。咁點野食尼一樣野就更係留番俾D韓星啦, 我就等食。果頭叫完野食, waiter就開始令D前菜過黎, 前菜既種類有好多, 真係幾韓國, 而且係任食。尼個煲就有D腸丫菜丫午餐肉丫豆丫果D野, 丫, 重有兩塊芝士係面, 雖然D配料都幾頹下, 但味道就出奇地好, 酸酸地鹹鹹地, 但又唔係冬陰功既味, 真係試下無壞。個海鮮薄餅都幾好食唔錯, 由其點埋佢上面既特色醬, 但感覺似泰國多D, 但我唔熟韓國菜, 可能真係差唔多味。紅燒牛排賣相就唔錯, 因為好COLOURFUL, D牛肉都炆得幾軟幾易入口, 但我摸一摸隻碟係唔熱既, 姐係佢係煮完先放上碟, 如果唔係會更好。海鮮炒年糕唔會太辣, 個色呃人, 好食推介。最後有個燒腩仔咁既野, 睇圖就知大概咩味, 但要講下個汁, 因為好特別, 唔係酸同辣咁簡單, 唔識講總之幾好食。