影片
更多
2017-12-20
75 瀏覽
最近比較頻密咁去食韓國野，無錯！今晚又落咗尖沙咀，然後行得比較遠少少，朋友話想食韓國野，於是就由街頭行到街尾，去到金巴利道，最終揀咗呢一間「Angry Oppa Restaurant & Bar」落腳。哈，今次無Oppa係店面喇！換來嘅係講唔正廣東話嘅韓妹，呢個都係賣點泥咖！首先睇睇餐牌，食咗幾轉韓國野已經從經驗中學習到，重口味同清啲嘅食物係要平均咁柯打，所以最後叫咗5個Dishes：分別係韓式煎餃子、魚糕烏冬、韓式炒牛肉、泡菜海鮮煎餅、迷你大醬五花肉熔岩比薩。而最先到嘅係餃子，由於當日無大餃子，所以轉左四隻小餃子，綠色皮煎至金黃，食落口有種微辣，豬肉餡中混入咗類似青辣椒仔肉，非常過癮！其後，炒牛肉同烏冬陸續上枱。韓式炒牛肉嘅咸甜味調配得相當恰好，相比泡菜味或大醬味嘅炒肉清淡一啲，個人覺得呢個菜叫得好明智。而烏冬湯底帶胡椒同薑嘅味道，飲起上泥有種暖胃嘅作用，冬天道最岩食魚糕飲啖湯！接住壓軸嘅比薩同煎餅到喇！事關叫咗多款小食嘅關係，我地柯打咗比較小型啲嘅個款大醬五花肉比薩，90蚊兩個大概CUPCAKE尺寸嘅比薩，相當實惠，咁就唔怕食剩野變大嘥鬼啦！內裡芝士十分足料，又係韓國個款，食完超有
首先睇睇餐牌，食咗幾轉韓國野已經從經驗中學習到，重口味同清啲嘅食物係要平均咁柯打，所以最後叫咗5個Dishes：分別係韓式煎餃子、魚糕烏冬、韓式炒牛肉、泡菜海鮮煎餅、迷你大醬五花肉熔岩比薩。
而最先到嘅係餃子，由於當日無大餃子，所以轉左四隻小餃子，綠色皮煎至金黃，食落口有種微辣，豬肉餡中混入咗類似青辣椒仔肉，非常過癮！
其後，炒牛肉同烏冬陸續上枱。韓式炒牛肉嘅咸甜味調配得相當恰好，相比泡菜味或大醬味嘅炒肉清淡一啲，個人覺得呢個菜叫得好明智。而烏冬湯底帶胡椒同薑嘅味道，飲起上泥有種暖胃嘅作用，冬天道最岩食魚糕飲啖湯！
接住壓軸嘅比薩同煎餅到喇！事關叫咗多款小食嘅關係，我地柯打咗比較小型啲嘅個款大醬五花肉比薩，90蚊兩個大概CUPCAKE尺寸嘅比薩，相當實惠，咁就唔怕食剩野變大嘥鬼啦！內裡芝士十分足料，又係韓國個款，食完超有飽腹感啊！
而泡菜海鮮煎餅尺寸非常大，可以四個人一齊分享食都可以！味道係我接受到嘅泡菜口味，辣度適中，怕辣嘅人都可以食得到；而咸度又唔會誇張到要喪飲水個隻，所以都幾深得我心嘅一款薄餅。
總結我地最後每人大概二百五蚊左右，係尖沙咀食韓國野預期都係呢個價錢，都非常夠飽。所以唔想食韓燒放題，呢啲韓國小菜館就岩哂你！
張貼
