韓半島 (已結業)

對於韓國fusion菜好有興趣，於是就試下呢間新開既韓半島～ 裝修簡潔，廚師都係韓國人，餐牌上既食物都以韓國地方名作名稱，十分特別～《智異山日出時分 $118 》- 生拌牛肉配自製黑醋及時蔬。凍凍地，食落口幾新鮮。雖然係生牛肉，但絕對咀嚼得到。味道唔腥，帶有酸酸甜甜既黑醋味，令人十分開胃。《當缽來峰杜鵑盛開時 $88》-特製甜辣醬炒魷魚飯團。有3舊飯團，唔好以為唔會飽，但其實都大舊。甜甜辣辣味蕾享受一流。魷魚彈牙有咬口。《北漢山看雲海 $108》-即韓國米酒貝殼湯配泰國辣椒、芝麻葉及檸檬。湯水有陣陣米酒香，帶點辣味，蜆肉鮮甜。《醬缸臺下雪天 $98》- 即手特製卡邦尼醬炒雪人年糕配自製聖女果。年糕形狀似雪人，粒粒有咬感，彈力十足。卡邦尼汁內有腩肉片同茹片,汁濃香滑令人停不了口。聖女果則是車里茄, 甜醋帶酸而茄新鮮又多汁。《老姑壇繁花盛開 $78》- 即墨魚汁炒絲配蔬菜、香菇及海鮮。以為粉絲偏淡但原來味道好陪。粉絲彈牙，再拌入餸料味道更香濃。