韓半島 (已結業)

難得放幾日假，即刻約會閏蜜👭。喪行左幾粒鐘之後，老友想食韓國菜但又唔想韓燒，行左轉韓國街都無心水，就過左去H8👀下。一去到就有個疑似oopa👦🏻黎介紹，見到餐牌上面食物都幾新鮮，加上兩條腿就斷關係，所以就決定食佢。餐廳內環境都唔差，座位之間都算闊落，客人唔多，所以都幾清靜。餐牌內唔算太多選擇，主要都係新式fusion菜，最後㨂左：📌Mango Yogurt Smoothies🍹芒果味唔係好濃，反而乳酪味幾重，但本人比較鐘意果味濃既飲品，所以覺得一般般。📌朋友點的熱柚子茶☕️望落都有幾多果肉，(我諗)味道唔會太差吧~📌老姑壇繁花盛放🌸🌼🌺望完個菜名，我同朋友不禁對望大笑😂，忍唔住要點佢呀！其實係墨魚汁炒韓國粉絲，配海鮮，香菇和蔬菜。加上有蟹籽，味道和口感都唔錯，可惜只有少得過份既🦐🦐🐙🐙，咁都可以叫海鮮😮📌我們家鄉的環形天橋 🌉剩係聽個名真係r爆頭🙄，但其實係薯仔絲餅，加入泡菜，五花腩，椒絲和香葉，我和朋友都幾喜歡👍🏼其實新奇野試下就好了，我都係比較鐘意食正宗韓國料理➰