韓國媽媽 (已結業)

又要係大角咀覓食，想食韓國嘢就搵黎呢間試試。鋪頭掛左佢地嘅烹調原則，即整，家庭料理，無味精，係要時間嘅。平日夜晚唔算多人，坐位都ok嘅。晚餐都幾有款套餐，無收加一。佢有普通餸餐，亦有bbq餐。前菜係蘿蔔，浸得夠入味，幾開胃下。想食粉絲就叫咗呢個，都炒得幾好，加芝麻係無得輸。叫魚串係食感覺，係韓國旅行必食，想回味下。味道一般，純想食回憶。蘿蔔炆牛肋骨，個人認為可以好好食，亦可以好伏。佢算煮得ok，夠淋，味道還可以。整體嚟講就係媽媽嘅味道，不過不失，可接受。