SUN HARU (順寧道) (已搬遷) 新店位置

呢日喺公司附近食lunch，去咗呢間韓國餐廳Sun Haru，餐廳家庭式經營，牆上畫滿塗鴉，甚多打卡位，感覺年輕有活力。一坐低，店員就送上幾款韓式前菜，有泡菜，蘿蔔及翠玉瓜，非常豐富！食完店員仲主動問駛唔駛添，服務殷勤！石鍋牛肉拌飯($60)好耐冇食過石鍋飯，所以見到立即就鎖定目標！有得揀牛肉，豬腩肉或芝士炸雞，揀咗牛肉，牛肉嘅份量都幾多，食到底仲有香脆嘅飯焦。整體味道不過不失，勝在價錢唔貴，份量足，性價比高！點完先知呢度原來出名炸雞，早知試下芝士炸雞啦！藍天乳酸(+$8)跟餐加咗杯特飲，呈漸變藍色，非常夢幻！乳酸調味不錯，酸酸甜甜，好清爽！