影片
更多
2016-04-03
1138 瀏覽
近期韓國嘢好hit，朋友講左好耐話想食芝士鍋，但我又想食部隊鍋，所以去左呢間可以一次過滿足哂我地嘅三清洞摩西。因為約左九點幾係鑽石山睇戲，所以預早d食飯，六點度到餐廳，只有幾枱客人，環境唔錯，座位都闊落。餐廳好多韓國侍應，不過好彩佢地都識講英文，而且態度唔錯。前菜，有d似日本醃蘿蔔，酸酸地，好爽脆。睇睇menu其實呢間嘢都唔平，揀最平嘅組合都要約$170一位，不過好日唔食一次唔緊要喇。雖然話想食部隊鍋，但見到有咁多款揀又想試下新嘢，結果揀左烤肉海鮮鍋，不過其實佢味道同部隊鍋差唔多，係d料唔同。影相只見到一隻青口，其實係沉哂底，海鮮味道不過不失，青口細隻左d，魷魚無乜味，但烤肉好夠味，煲左好耐仲有香烤嘅味道。炸餃子同紫菜卷，不過兩樣入面都係粉絲…早知試午餐肉或者魚餅……無得傾，一定要食拉麵，仲要加芝士！朋友唔食餸，係咁食拉麵，結果搞到我唔夠食要叫多份。麵有咬口，唔會好易稔，好快好入味，不過加一個要$25，係貴左少少嘅。差唔多食完個煲先發現呢間嘅推介其實係年糕，不過無驚喜。口感同味道都同出面無乜分別，唔係軟綿綿，味道好淡。食完個煲，侍應會自動上炒飯，當然又係有芝士果隻，不過呢次嘅芝士味反而
因為約左九點幾係鑽石山睇戲，所以預早d食飯，六點度到餐廳，只有幾枱客人，環境唔錯，座位都闊落。餐廳好多韓國侍應，不過好彩佢地都識講英文，而且態度唔錯。
前菜，有d似日本醃蘿蔔，酸酸地，好爽脆。睇睇menu其實呢間嘢都唔平，揀最平嘅組合都要約$170一位，不過好日唔食一次唔緊要喇。雖然話想食部隊鍋，但見到有咁多款揀又想試下新嘢，結果揀左烤肉海鮮鍋，不過其實佢味道同部隊鍋差唔多，係d料唔同。
影相只見到一隻青口，其實係沉哂底，海鮮味道不過不失，青口細隻左d，魷魚無乜味，但烤肉好夠味，煲左好耐仲有香烤嘅味道。
炸餃子同紫菜卷，不過兩樣入面都係粉絲…早知試午餐肉或者魚餅……無得傾，一定要食拉麵，仲要加芝士！朋友唔食餸，係咁食拉麵，結果搞到我唔夠食要叫多份。麵有咬口，唔會好易稔，好快好入味，不過加一個要$25，係貴左少少嘅。差唔多食完個煲先發現呢間嘅推介其實係年糕，不過無驚喜。口感同味道都同出面無乜分別，唔係軟綿綿，味道好淡。食完個煲，侍應會自動上炒飯，當然又係有芝士果隻，不過呢次嘅芝士味反而無煲果隻咁濃，可能係個煲好濃味，蓋過左炒飯個味。飯量其實得一碗，所以唔怕食完個煲食唔哂，紫菜味好勁，如果有d飯焦仲正。
除左menu嘅嘢飲，仲有提子汁、梨汁同薏米水揀。薏米水係個伏，薏米質感有d怪，好似咬唔開咁，味道偏甜，似馬蹢水多d。反而梨汁清甜，有果渣，多左d口感。不過真係好細罐，個煲食到一半已經飲完咁滯，唔夠解渴。
埋單兩個人三百幾，食到好飽，再多d人食仲正，隔離枱四個人食，餐廳上菜時用左個好似鑊咁大嘅煲，好有大鑊飯feel。最後溫提，個煲好淺身，夾麵時小心彈到手或者衫，如果餐廳可以比條圍巾仔就perfect嘞。
張貼
