Tom N Toms Coffee (已結業)

去韓國旅行大多數都知道呢間連鎖式咖啡店十分出名，雖然短期內試吾到韓國個間，試住香港頂住癮先啦。呢間coffee shop除左飲咖啡之外，仲有多款沙冰，果汁，輕食和甜品等等。店內裝潢亦帶點小清新的味道，令客人可以好悠閒甘一邊嘆咖啡一邊傾計。焦糖忌廉吐司韓式吐司亦系呢間coffee shop既招牌之一，今次就揀左甜味的焦糖忌廉吐司，一碟份量已經足夠2-3人份量。當然手機食先啦，面頭個d邪惡cream已經好想食。店員已經好細心，把吐司切成一粒粒正方形方塊，烘過的吐司十分香脆，由於系烘之前加入蜂蜜，烘後就會突出香甜味。上層加入焦糖風味cream，整體十分配搭，作為下午茶絕對適合。鮮奶咖啡 （跟餐）套餐包一杯指定飲品，選擇了熱的鮮奶咖啡。韓國人最愛美式咖啡和鮮奶咖啡。我覺得韓式鮮奶咖啡比起香港飲到的更著重於奶味，令到整杯咖啡更加香滑，奶味出眾，且甜甜的，比起美式更容易入口。