影片
2019-07-28
149 瀏覽
約了小鬼一起去吃午餐，本來打算遷就他，去將軍澳吃，沒想到原來他早已約好了去灣仔取醫療報告，然後再去利東街為朋友選購生日禮物，哪就唯有移船就磡，改去灣仔搵食。講起上嚟，其實我也很久沒去利東街，今次就揀左呢間叫「Bistro Seoul」嘅韓式小館。餐廳樓高兩層，裝潢糅合傳統設計及現代摩登風格，牆壁上掛滿傳統韓式湯匙，配上特高樓底、長長的沙發座椅和一室木色設計，佈置既摩登又透著點點韓國藝術風格，裝潢極具特色。打開餐牌，原來除了散點外，餐廳還有多款週末及假日午市套餐供應 (供應時間由 11am–5pm)，定價由 $133-$278 不等，套餐包餐湯及飲品，如果 +$20 仲可以加配甜品。至於散點菜式方面，選擇亦非常豐富，分為六大類，包括有素食、輕食、肉食、鮮味、滋味和甜味。小鬼向來鍾情炸物，第一時間選了至愛的炸雞，而我就揀咗一客午市套餐。點完餐後，店員隨即為我倆送上三款前菜，最愛吃當中的泡菜，入口鮮爽香辣。傳統牛肉五色石鍋飯 ($183) 接著送上，套餐配有一碗蛋花湯，湯身清澈，飲得出無加味精，簡單又味美。石鍋飯用料非常豐富，廚師先在燒熱的石鍋內放入仁川白飯，中間鋪上菠菜、紅蘿蔔絲、翠肉瓜、
約了小鬼一起去吃午餐，本來打算遷就他，去將軍澳吃，沒想到原來他早已約好了去灣仔取醫療報告，然後再去利東街為朋友選購生日禮物，哪就唯有移船就磡，改去灣仔搵食。講起上嚟，其實我也很久沒去利東街，今次就揀左呢間叫「Bistro Seoul」嘅韓式小館。
餐廳樓高兩層，裝潢糅合傳統設計及現代摩登風格，牆壁上掛滿傳統韓式湯匙，配上特高樓底、長長的沙發座椅和一室木色設計，佈置既摩登又透著點點韓國藝術風格，裝潢極具特色。
打開餐牌，原來除了散點外，餐廳還有多款週末及假日午市套餐供應 (供應時間由 11am–5pm)，定價由 $133-$278 不等，套餐包餐湯及飲品，如果 +$20 仲可以加配甜品。至於散點菜式方面，選擇亦非常豐富，分為六大類，包括有素食、輕食、肉食、鮮味、滋味和甜味。
小鬼向來鍾情炸物，第一時間選了至愛的炸雞，而我就揀咗一客午市套餐。點完餐後，店員隨即為我倆送上三款前菜，最愛吃當中的泡菜，入口鮮爽香辣。
傳統牛肉五色石鍋飯 ($183) 接著送上，套餐配有一碗蛋花湯，湯身清澈，飲得出無加味精，簡單又味美。石鍋飯用料非常豐富，廚師先在燒熱的石鍋內放入仁川白飯，中間鋪上菠菜、紅蘿蔔絲、翠肉瓜、雜菌等，面頭再放上牛肉，吃時將牛肉與配菜及醬汁拌勻，石鍋滋滋作響，飯焦香脆，撈埋配料一齊食，真係令人食指大動。
套餐附送飲品，有咖啡、茶或是日精選韓茶可供選擇，我揀咗紅棗茶，入口熱辣辣、微甜，很順喉。
至於小鬼點的古法炸美國粟飼春雞配蜜糖芥末醬 ($168)，份量亦絕不欺場，用上原隻春雞炮製，雞隻以燒酒及豉油等醃過，然後再炸 2 次，上桌時已一分為四，旁邊配有自家做薯片。先拿起雞腿試試，外皮脆卜卜，入口肉嫩多汁，食落唔會乾爭爭，沾蜜糖芥末醬吃，別有一番風味。飽得不能動，埋單接近 400 蚊，不算很便宜，但有水準，可以一試。
查看之前的留言 ()
張貼
