韓米 (京瑞廣場2期)

營業中

休息中

今晚老公約左人食飯，我要自己食，咁我就去左石門商場買外賣。呢間店係食韓式嘢，可外賣，亦可坐在門外專用枱食。我見咁多人幫襯，咁不如揀佢啦。我叫左個晚餐，晚餐有主食，另外送前菜、炸物2件、湯品或汽水，都幾抵食。大豆芽 (前菜)：爽口，已調味。炸紫菜粉絲卷 (2件)：裡面粉絲漲卜卜，咬落紫菜味道香，炸得香口，都幾ok。牛肉蓋飯：份量多，牛肉較瘦，紅蘿蔔絲同椰菜爽口，食到洋蔥嘅甜味，mix埋味道幾好。韓式炒年糕 (半份)：年糕好煙韌，炒得入哋，甜甜地，唔太辣，幾入味。