ZAN CHEE (新城市廣場一期) (已結業)

今日提早一日同媽媽做母親節，疫情關係食飯留喺屋企就最安全。屋企習慣不嬲大事大節都會買啲壽司，炸雞返屋企食。我今日收工就負責買炸雞。平時不嬲都係買開連鎖炸雞店。咁啱行過見到呢間韓式外賣店。就比佢吸引咗入去。原來仲要有炸雞買。咁就決定係到買埋啦。等咗大約3分鐘就拎到喇。拎上手仲熱辣辣。返到屋企急不及待開餐，炸雞炸粉一啲都唔多，雞肉好多汁。唔會話雞肉死實實，而且佢仲會跟芥末醬同甜酸醬。可以一雞兩食。啱晒唔同口味嘅食客，下次有機會會再試其他食物。