梨滿園韓國料理 (已結業)

27/6 梨滿園韓國料理-樂富今日同朋友放工後去佢屋企附近嘅餐廳食放題，因為價錢非常合理，所以入去試吓。肉類種類都唔少，亦有好幾種牛肉俾我選擇，對於鍾意食牛嘅我都係有加分嘅。一坐低職員就奉上前菜小食，有好吸引嘅泡菜味道亦唔錯。因為放題所以咩肉都要試吓，基本上所有牛肉我哋都叫咗，最好食嘅我覺得係牛板腱肉同牛仔骨，前者肉味濃有少少雪花，唔會食太肥嘅我非常鍾意；牛仔骨係腌過嘅，燒完之後，肉亦唔痴骨，好好味。除咗牛肉我哋亦叫咗海鮮、三文魚刺身、炒飯、炒雜菜、炸雞、炸魷魚同湯，種類都唔少，總有一款係啱你心水。真心食得好飽，味道普遍都唔錯，而且亦有任飲汽水，座位亦好寬敞，真係一個識煮吹水嘅好地方。