喜來稀肉 (已結業)

今日Happy Friday 同同事lunch 出去食飯，好彩公司附近有間喜來稀肉又大間又可以訂位，雖然午餐唔夠時間燒肉，但都一嚐其他韓國主菜餐廳嘅侍應大部分係韓國人，全部都好後生而且要講英文溝通。午餐時段可以自助形式出去攞小食，有泡菜、蓮藕、青瓜、茄子🍆等等，仲有芽菜湯提供，無限添加，不過大家記得食幾多拎幾多，咪做大嘥鬼呀其實餐牌有好多選擇，但之前已經試過某幾款，今次就揀左烤牛肉水冷麵，雖然餐牌寫要等十至十五分鐘，但我嘅水冷麵好快已經送到水冷麵都算大碗，麵質好煙un好特別，配料有蛋、蕃茄同青瓜絲，成碗麵嘅湯酸酸地好開胃，食完都完全冇肥膩嘅感覺。而烤牛肉都算份量多，只係略嫌唔夠牛味，但水冷麵整體算好好味，好適合係夏天食成餐連加一只係八十幾蚊，灣仔區嚟講好抵食。餐廳環境好寬敞，不過如果一大班人記得訂位呀，我見有人walk in 但唔成功，費事撲空啦