School Food (已結業)

又一間等位時間頗長的食店！是日約家姐午饍，因為要等家姐放工所以選擇到school food拎一張籌一邊等人一邊等位！店舖面積唔算大，這個可能就是等位時間長的原因之一！但位於time square 13/F cinema隔離，可以一邊睇電影trailer一邊等都唔錯！入正題，本身唔太食得辣的我又好想試一試韓式的炒辣年糕，但school food的炒辣年糕都有3大辣椒標記，最後唯有選擇了兩個辣椒標記的辣湯年糕。不可以睇少兩隻辣椒的威力，食了幾件之後辣到耳仔都赤赤痛！味道是不錯的，如果喜歡食辣的絕對應該試一試！家姐order的是咖哩炸雞湯麵！我試了一口，咖哩味濃，都唔錯！炸雞香口，但由於浸湯之後口感就差了一點點！我們還order了名為烏卒卒的食品share食！其實係韓式墨魚壽司！味道不錯，飯中間的墨魚好有咬口，一口size，不知不覺我了很多件！飲品選擇了柚子蜜，味道ok，唔會太甜！可能因為我食辣湯，冰凍飲料可以幫我個口救一救火！總括而言，食物質素是ok的，但要等1個小時就覺得有點花時間！如果等候時間短一些，我會想再來試試其他食物的！