影片
更多
2019-08-07
483 瀏覽
男朋友突然話想食韓式炸雞🐔🙊, 我地Openrice完一輪之後就決定去NENE Chicken到食, 我地大約6點幾到, 大埔分店可能唔算旺區, 所以我地唔洗等就入左去。到7點幾嘅時候都陸陸續續有人, 不過都唔係坐滿哂嘅, 所以都幾舒服😊 餐牌上都有好多選擇, 淨係炸雞都已經有成十幾款, 仲有麵🍜, 飯🍚, 年糕, 鍋品🥘, 甜品🍧🍨等等……最後我地兩個人叫左雙重滋味無骨炸雞嘅秘風糖口味同甜辣口味, 芝士牛肉卷, 鮑魚海鮮辣豆腐鍋同一杯BLUE OCEAN🍹無骨炸雞嘅秘風糖口味(左)同甜辣口味(右)🐔一上枱已經好大陣炸蒜辣椒嘅香味撲入鼻, 紅色嘅辣椒加埋蔥同炸蒜鋪面, 賣相相當之吸引🤤🤤🤤。兩款炸雞夠哂熱, 秘風糖味好脆好入味, 完全係做到避風塘嘅效果,但一d都唔咸! 而且都幾大件, 啖啖雞肉, 完全唔乾仲好juicy, 食得好爽☺️☺️另一隻甜辣味都好好味同好開胃, 唔會太辣, 雞肉同樣唔乾好juicy, 但食多兩件就比較容易膩, 個人比較中意食秘風糖味多d👍🏻👍🏻👍🏻 極推介!!!鮑魚海鮮辣豆腐鍋, 唔算太辣, 味道唔錯, 海鮮份量都ok, 鮑魚幾好食同唔韌, 我地叫左個白飯🍚加埋d湯
無骨炸雞嘅秘風糖口味(左)同甜辣口味(右)🐔
一上枱已經好大陣炸蒜辣椒嘅香味撲入鼻, 紅色嘅辣椒加埋蔥同炸蒜鋪面, 賣相相當之吸引🤤🤤🤤。兩款炸雞夠哂熱, 秘風糖味好脆好入味, 完全係做到避風塘嘅效果,但一d都唔咸! 而且都幾大件, 啖啖雞肉, 完全唔乾仲好juicy, 食得好爽☺️☺️
另一隻甜辣味都好好味同好開胃, 唔會太辣, 雞肉同樣唔乾好juicy, 但食多兩件就比較容易膩, 個人比較中意食秘風糖味多d👍🏻👍🏻👍🏻 極推介!!!
鮑魚海鮮辣豆腐鍋, 唔算太辣, 味道唔錯, 海鮮份量都ok, 鮑魚幾好食同唔韌, 我地叫左個白飯🍚加埋d湯一齊食, 正😋😋😆😆
芝士牛肉卷🧀🐂🌯
佢個卷係炸左嘅韓式飯卷, 不過味道唔算太特別, 芝士味唔太出, 如果幾個人食嘅話可以當小食頂下肚咁🤭🤭
藍色梳打BLUE OCEAN🍹 係幾fresh嘅檸檬味梳打, 都唔錯嘅, 不過不失😊
三格前菜係佢比嘅, 一格泡菜, 一格粟米, 一格酸蘿蔔, 酸蘿蔔幾好食嘅☺️
張貼
