The Hwaduk (已結業)

放假前夕約朋友輕鬆一下，想搵個地方食下野傾下計，之前已經係ig見過有人介紹過依間韓國餐廳，主打韓式烤雞🍗韓國炸雞食得多，烤雞就少了，我地揀左蒜香烤雞。份量都好大，夠4個人食嫁，肉質比想像中仲要多汁，蒜味唔會好重仲帶少少酸酸甜甜既味道😋每件雞都唔會好大舊，食既時候都好方便，每張台都有一個骨桶，仲有膠手套提供，方便大家唔洗整污糟手。另外點左一鍋韓式什錦魚疍湯🐟其實係韓式魚糕湯。魚糕種類都幾多，有成4、5款，有原味、野菜、有韓國粉絲、魚丸等幾款味道既魚糕，店舖老闆都好熱情招呼客人，落手落腳幫我地剪開D魚糕，湯底落左好多蔬菜，所以味道非常鮮甜、爽口😋食雞食到膩膩地，飲返啖湯簡直絕配👍🏻清下油膩感又可以食多幾件雞😆飲品揀左水果凍茶同埋水果梳打，會有6款唔既水果比大家揀，水果茶係藍莓口味，梳打係檸檬口味，兩款都好清新，非常適合夏天嫁～除左無酒精飲品另外仲有好多唔同既酒，韓國既米酒都有嫁，喜歡飲酒既朋友仔可以試下。雖然地點唔係係銅鑼灣中心地帶，但餐廳環境唔錯，位置坐落舒服唔迫，當晚坐左差唔多兩個鐘都冇比人趕走，所以係一個唔錯既聚腳點。