辛安東元祖奶奶雞 (已結業)

前排去完韓國之後對韓式燉雞念念不忘 於是就去咗係韓式燉雞界應該無人唔識嘅辛安東元祖奶奶雞 🐔招牌辛安東元祖奶奶雞 有三款辣度或者唔辣選擇🐣 我哋就叫咗少辣 而家冬天食個身即刻暖哂🌶️ 除咗大量嫩滑雞件 仲有其他豐富配料 包括薯仔 紅蘿蔔 青瓜 洋蔥 咁多蔬菜感到十分健康💚 同埋唔少得嘅水晶薯粉 索滿香濃醬汁好惹味 兩個人食半隻雞已經好飽肚😋奶奶雞比較濃味 叫咗杯相對清新嘅士多啤梨泡沫🍓 質感界乎冰沙與奶昔之間 唔會太甜但有淡淡士多啤梨嘅香甜味 清新解渴 仲要好大杯👌🏻