首爾家韓國料理

營業中

休息中

我係食肉獸，就算唔係韓迷都會鍾意食燒肉！LEE次同班兄弟食，好盡興！D前菜好大堆頭，有六款咁多！泡菜辣得嚟唔係好酸，好岩我！昆布少見D，酸得開胃！薯仔甜甜地都好正！食肉之前燒o左海鮮先！帆立貝一客六粒，都幾厚肉！唔使燒GE韓式炸雞同沙律，哈哈！揀o左醃GE炸雞，酸酸甜甜口味過癮D！個沙律有雜果，健康好食！醃牛肋骨大大塊，見到都流哂口水！不過店員教路，LEE隻牛肉味道濃郁D，要擺最後先燒！五花肉唔係好肥，燒到好香脆，令人食指大動！醃牛肋骨肉本身都醃得夠味，落埋洋蔥一齊燒仲香！水冷麵冰冰涼涼，食完燒肉食返碗就岩哂！個酸汁係自己加GE，鍾意點調味都得！