漢拏山烤肉 (已結業)

坐卡位食韓式午餐，有飯、湯、沙律、三款前菜同蒸蛋，價錢同樓下橙色快餐店差唔多，點咗韓風牛肉蛋包飯、泡菜豬肉配飯同燒鯖魚配飯。三個人些牙嚟食，最後各自捧住個肚出門口。泡菜豬肉最惹味，少辣，豬肉唔係瘦肉片，而係帶些少肥膏的豬肉，撈飯食一流。鯖魚頗厚身，冇燒到變魚乾，除咗加檸檬汁嚟食，強烈建議沾泡菜豬肉汁食仲正，辣味可打走鯖魚的重油脂。若然怕食到魚腥味，呢個餐就可能唔啱你。三個餐中最平的牛肉蛋包飯，味道隨和討好，牛肉嫩口兼量多，滑蛋靚仔，喺有啲蛋汁凝固咗，如果可以做到煮起後即送上枱，咁就 100分喇。三款前菜中最喜歡凍茄子，碟泡菜就完全輸畀泡菜豬肉。埋單後先知不設加一，下次會嚟試燒烤午餐。