影片
更多
2017-11-05
286 瀏覽
今日同一位韓粉朋友去金巴利道 – 尖沙咀嘅韓國街去買韓國食品。其實佢屋企附近都有一間賣韓國食品嘅舖頭，但佢就係鍾意嚟金巴利道，一嚟舖頭數量夠多，二嚟有啲舖頭係韓國人開，夠正宗喎。其實最根本原因係佢有次嚟呢度買嘢嗰陣見到一個高大威猛嘅韓仔，個韓仔仲問佢路，當時好後悔冇交換電話喎，自從嗰次佢就經常嚟買嘢喇……我地行緊去一間韓國食品店途中，佢就突然間停低，指住間餐廳話要食Lunch，嗰陣12點都未到……原來佢見到有個韓仔侍應喺入面，本來都唔想理佢，不過見到餐廳門口貼咗個menu，上面有韓式pizza，賣相仲幾吸引，仲有雜誌介紹，就一於試吓。餐廳裝潢係一貫韓式簡約風格，牆上掛咗幾張電影嘅細海報，再加一啲飲料樽做裝飾。三部電視播放住韓國MV，每轉一個MV韓粉朋友都同我講呢個組合係咩名，成員有邊個，邊個最高顏值……無共鳴，哈哈，咁我負責揀嘢食。個menu都幾色彩鮮艷，Pizza原來係叫做【熔岩比薩】，有三款口味 - 大醬五花肉、韓式微辣大蝦同蒜香雞肉。叫左【韓式微辣大蝦熔岩比薩$198】個尺寸算細，但係厚身，啱啱焗出嚟熱辣辣。全個Pizza只有四隻蝦，蝦身晶瑩剔透，蝦肉爽彈，配料仲有橄欖同埋西蘭花
我地行緊去一間韓國食品店途中，佢就突然間停低，指住間餐廳話要食Lunch，嗰陣12點都未到……原來佢見到有個韓仔侍應喺入面，本來都唔想理佢，不過見到餐廳門口貼咗個menu，上面有韓式pizza，賣相仲幾吸引，仲有雜誌介紹，就一於試吓。
餐廳裝潢係一貫韓式簡約風格，牆上掛咗幾張電影嘅細海報，再加一啲飲料樽做裝飾。三部電視播放住韓國MV，每轉一個MV韓粉朋友都同我講呢個組合係咩名，成員有邊個，邊個最高顏值……無共鳴，哈哈，咁我負責揀嘢食。
個menu都幾色彩鮮艷，Pizza原來係叫做【熔岩比薩】，有三款口味 - 大醬五花肉、韓式微辣大蝦同蒜香雞肉。
叫左【韓式微辣大蝦熔岩比薩$198】個尺寸算細，但係厚身，啱啱焗出嚟熱辣辣。
全個Pizza只有四隻蝦，蝦身晶瑩剔透，蝦肉爽彈，配料仲有橄欖同埋西蘭花。
一剷起件Pizza，果然同menu一樣，芝士嘅拉絲效果⋯唔係，應該用拉布效果先啱，好誇張，拉到好似瀑布咁。
芝士都幾煙靭有口感，味道濃郁。餅底上面係韓式辣醬，辣度適中，成個pizza食落好惹味。餅底亦做得相當唔錯，軟硬適中，餅邊係扭紋形狀，口感鬆軟，亦都焗得好香。
【韓式鮮蜆湯$138】先嚟個蜆湯熱一熱身，個湯上枱嗰陣仲係滾緊，夠晒滾熱辣。
蜆嘅份量都算多，差不多有成20隻，而且粒粒都食得出係爽甜，真係鮮蜆嚟。湯就幾惹味，有唔少香蔥洋蔥提味，湯帶微辣，食完成個人暖笠笠。
【韓式醬炒牛肉$108】初初以為係韓式辣醬炒，但原來用香蔥、洋蔥、紅蘿蔔絲炒牛肉。牛肉份量多，整個味道係甜嘅。我覺得適合配飯，不過呢度就冇配埋主食。
服務方面，餐廳雖然叫做Angry Oppa，但韓仔Oppa店員當然唔angry，仲相當有禮貌，用簡單英文就溝通到。韓粉朋友覺得佢夠大隻又夠cute，講嘢聲線溫柔又厚實。我就覺得食物都唔錯，但價錢唔平。餐廳另一種特色食品係韓式便當，排得好精美，好似愛心便當咁，下次可以試吓～
張貼
