Tardemah (K11 Musea) (已結業)

之前經過見到啲面包都好吸引，啲韓國姨姨好努力用英文簡單介紹面包啲味道俾我地。所以決定下次一定要去試下啲包。今次約左朋友去尖沙咀行街，就專登走去買完個包就走人～果然冇令人失望！我係試栗子紅豆忌廉包，入面好多餡！對鐘意紅豆嘅我好岩口味。栗子粒都唔細舊嫁，面頭有啲杏仁片增加啲口感，而且面包本身又軟熟。佢仲有好多款味唔同嘅面包，下次都會再試其他！雖然佢一袋面包價錢比起香港本土面包品牌係有點高，但佢勝在多口味、餡都唔少，我覺得係接受到嘅。