韓讚 (已結業)

女朋友話好掛住韓國既人蔘雞湯，搵左幾間，終於黎到呢間！新開張，一於試下！裝修幾Colorful，比人一種好fresh既感覺！我女朋友本身只係為左人蔘雞湯而來，黎到見到咁多選擇，咁就揀左10分鐘! 揀左4樣野食!高麗人蔘雞湯，濃郁既雞湯加上釀糯米雞，淡淡地，不過女朋友好鍾意，話咁就無味精，好健康！不過，的確係幾香甜，雞肉都好滑！DIY現榨果汁好明顯就係比我女朋友影相呃like，識揀一定要揀全部係生果，顏色靚之餘，會易入口！開機搞左15秒左右就飲得!