影片
更多
2025-01-07
112 瀏覽
📍OOULI 🔍銅鑼灣糖街25-31號Sugar+ 23樓-----聖誕節去咗銅鑼灣呢間韓式 fine dining餐廳慶祝。餐廳燈光柔和，有大量聖誕裝飾，一入門口就令人感覺到溫暖嘅聖誕氣氛。加上最近係工展會，整個維園滿佈燈光，從高處望下去景色份外美好。另外服務員非常細心，會逐道菜解釋食材同烹調方式等。🎄 Christmas x Chef Jim Kim Special Menu“Caviar & Christmas Green”擺盤散發滿滿的節日感，有點像聖誕花圈，魚子醬鹹香濃郁，搭配清爽嘅沙律菜同微酸醋汁，開胃。“Oouli Bu Gak”釜山海苔炸到脆卜卜，帶少許紫蘇油及麻油香氣，同一般嘅海苔小食好唔同，幾有趣，一塊食完感覺有啲意猶未盡。“Yughoe Tartare”呢道前菜可以選擇韓式生牛肉或吞拿魚他他。調味方面，混合韓國啤梨絲同芝麻油，令魚脂豐腴嘅吞拿魚，味道帶點清甜又帶點油香。同平時日式嘅吞拿魚他他有明顯唔同，幾有特色“Deul Kkae - Juk”傳統嘅韓式粥，用咗15小時以上慢煮，米香濃郁，配上韓牛、新鮮蜆肉同季節蔬菜，味道層次非常豐富。如果有食材敏感，餐廳可以幫客
🔍銅鑼灣糖街25-31號Sugar+ 23樓
-----
聖誕節去咗銅鑼灣呢間韓式 fine dining餐廳慶祝。餐廳燈光柔和，有大量聖誕裝飾，一入門口就令人感覺到溫暖嘅聖誕氣氛。加上最近係工展會，整個維園滿佈燈光，從高處望下去景色份外美好。另外服務員非常細心，會逐道菜解釋食材同烹調方式等。
🎄 Christmas x Chef Jim Kim Special Menu
“Caviar & Christmas Green”
擺盤散發滿滿的節日感，有點像聖誕花圈，魚子醬鹹香濃郁，搭配清爽嘅沙律菜同微酸醋汁，開胃。
“Oouli Bu Gak”
釜山海苔炸到脆卜卜，帶少許紫蘇油及麻油香氣，同一般嘅海苔小食好唔同，幾有趣，一塊食完感覺有啲意猶未盡。
“Yughoe Tartare”
呢道前菜可以選擇韓式生牛肉或吞拿魚他他。調味方面，混合韓國啤梨絲同芝麻油，令魚脂豐腴嘅吞拿魚，味道帶點清甜又帶點油香。同平時日式嘅吞拿魚他他有明顯唔同，幾有特色
“Deul Kkae - Juk”
傳統嘅韓式粥，用咗15小時以上慢煮，米香濃郁，配上韓牛、新鮮蜆肉同季節蔬菜，味道層次非常豐富。如果有食材敏感，餐廳可以幫客人用其他食材烹調，好細心。例如我地就換了其中一碗做全素粥，味道同樣是非常高質。
“Korean Braised Lamb Rack”
羊架炆得非常入味，肉質嫩滑，完全冇羶味，醬汁偏甜中帶少少鹹，係韓式燉肉嘅典型味道，而搭配的蘿蔔和冬菇等，亦是完全入味狀態，有種在吃韓式羊腩煲的感覺。
“Pigeon Tteok Galbi”
呢道乳鴿手打免治肉漢堡卷嘅肉質幾細膩，調味比較濃郁，有點像日式免治雞肉棒。
“JinSu - Sung Chen”
是晚記憶最深刻的一道菜式。5款釜山特色伴菜，全部都味道鮮明，甜甜辣辣的，韓味十足，配搭米香濃濃的自家農場釜山珍珠米飯，明明是簡單的家常菜式，卻令人能吃到有感動的感覺。搭配的48小時鰻魚湯，清甜清甜的，每一口都能吃出鰻魚的鮮味。
“Roasted Freshwater Eel”
鰻魚烤得好香，表面微焦，肉質緊實彈牙，搭配鰻魚湯同米飯食，係一個好滿足嘅組合。
“Hu - Sig”
最後的甜品係栗子奶油配糯米窩夫，栗子奶油好香滑，配搭的糯米窩夫，口感黏糯非常，好像微溶的年糕，但又不會很黏牙，甜度適中，是個很不錯的收結。
張貼
