影片
更多
2023-02-15
26 瀏覽
情人節梗係要同至愛浪漫一下💕搵間有質素嘅Fine Dinning就最好不過, 如果可以試下比較小有嘅新口味絕對會係更加驚喜🤭一般Fine Dinning都係西式法式, 韓式嘅真係特別小有, 哩度地方環境浪漫加上廣闊嘅美景, 所有食物口味都同一般餐廳好唔同, 絕對會係一個與別不同嘅味道新體驗👍🏼1️⃣Oouli Bu Gak紫蘇酒炸及三次風乾的釜山海苔及濟洲海藻用米磨成豆漿炸成嘅外層酥脆香口, 經過三次風乾工序嘅海苔海藻特別爽口, 再點啲自家製三色豆腐醬更加有唔同風味添😁2️⃣Jagal-Chi韓國左口魚刺身, 72小時醬油大蝦及醬油拖羅刺身材料新鮮, 重有啲左口魚裙邊可以比你試, 再點啲韓式特製嘅麵豉醬, 食落同日本刺身感覺唔同, 又係一種與別不同食刺身感受.3️⃣Deu! Kkae-Juk韓國當造特色蔬菜, 韓牛, 新鮮蜆肉 及 自家大米15小時以上烹調傳統粥又一韓國家常傳統菜式, 材料豐富, 粥亦夠火候味道十足.4️⃣Han Ip章魚片, 韓國橡子果凍 配 炸豆腐鱈魚籽三文治橡子果凍造型精美, 好似花瓣咁散開🌻, 清涼開胃, 豆腐炸得適中仍保持軟軟的, 加上鱈魚籽多重滋味口感亦很好👍🏼5️⃣Bo Ya
一般Fine Dinning都係西式法式, 韓式嘅真係特別小有, 哩度地方環境浪漫加上廣闊嘅美景, 所有食物口味都同一般餐廳好唔同, 絕對會係一個與別不同嘅味道新體驗👍🏼
1️⃣Oouli Bu Gak
紫蘇酒炸及三次風乾的釜山海苔及濟洲海藻
用米磨成豆漿炸成嘅外層酥脆香口, 經過三次風乾工序嘅海苔海藻特別爽口, 再點啲自家製三色豆腐醬更加有唔同風味添😁
2️⃣Jagal-Chi
韓國左口魚刺身, 72小時醬油大蝦及醬油拖羅
刺身材料新鮮, 重有啲左口魚裙邊可以比你試,
再點啲韓式特製嘅麵豉醬, 食落同日本刺身感覺唔同, 又係一種與別不同食刺身感受.
3️⃣Deu! Kkae-Juk
韓國當造特色蔬菜, 韓牛, 新鮮蜆肉 及 自家大米15小時以上烹調傳統粥
又一韓國家常傳統菜式, 材料豐富, 粥亦夠火候味道十足.
4️⃣Han Ip
章魚片, 韓國橡子果凍 配 炸豆腐鱈魚籽三文治
橡子果凍造型精美, 好似花瓣咁散開🌻, 清涼開胃, 豆腐炸得適中仍保持軟軟的, 加上鱈魚籽多重滋味口感亦很好👍🏼
5️⃣Bo Yang -Sig
韓式參雞湯燴飯
非常精緻嘅燴飯😁參雞湯完全融入燴飯極之入味, 雞肉肉質軟熟滋味又濃郁.
6️⃣Jili-Tang
海鮮清湯配烤釜山鮑魚
用份子料理做成泡沫, 鮑魚略帶點烤香, 配上清湯感覺特別清甜.
主菜
7️⃣Jan Chi
烤韓國頂級1++韓牛
頂級韓牛牛味濃郁, 帶嚼勁口感一流, 絕對係頂級享受😎
8️⃣烤釜山鰻魚
鰻魚外層小小脆皮, 而鰻魚肉保持鮮嫩滑溜, 加上特色辣醬再稍為增加味道, 感覺剛剛好.
9️⃣JinSu-Sung Chen
釜山自家農田珍珠米飯配48小時鰻魚湯五種時令特色釜山伴菜
米飯來自餐廳老闆自家農田種植嘅珍珠米, 店員即場用氣壓煲打開飯, 飯氣撲鼻而來, 飯質比我哋一般我哋食嘅唔同帶一點點黏, 鰻魚湯好清點一啲唔腥, 加埋時令伴菜黑豆, 韓國辣椒, 紫蘇葉, 泡菜, 小魚乾等, 好有係韓國食緊住家飯嘅感覺
🔟Hu-Sig
糬米年糕窩夫餅配自製雪糕
糬米年糕窩夫口感好煙韌, 帶有清清哋嘅米香, 配埋自製嘅雲呢拿雪糕, 為哩餐畫上完美句號🥰
嚟緊3月餐廳會有以和牛為主題嘅專用餐單, 想試新野嘅到時記得留意啦🤗
張貼
