Pizza Maru (已結業)

自從韓流襲港後，韓國菜係其中一個我同朋友聚餐最常suggest既菜式，其中炸雞更加係我既all time favourite. 依間餐廳出名食特式pizza同炸雞，適逢有朋友生日，就book咗依到喇。《韓式烤肉芝加哥薄餅》芝士哥薄餅成個比較厚身鬆軟，批邊係滿滿既芝心邊，一扯開係芝士拉絲既效果，新鮮焗起上碟超正，至於韓式烤肉味就冇乜特色，係多左幾舊烤肉係pizza上面，調味配搭上唔算太特別。《蜂蜜牛油x甜辣炸雞》蜂蜜牛油味比較淡味，好似普通炸雞加shakeshake粉咁，但係甜辣味就調味恰到好處有甜有辣，惹味好多，至於外皮都炸得好脆好乾身，係略嫌雞肉唔夠Juicy，不過都值得一試。《卡邦尼年糕》卡邦尼年糕個汁似普通白汁多啲，冇左卡邦尼既蛋香creamy感，而且年糕得好少舊，性價比唔高，唔推介。