Angry Oppa Restaurant & Bar (已結業)

差唔多放工嘅時候，細妹打電話嚟話唔使返屋企煮飯，因為佢對仔女都唔返屋企食，叫我出去尖沙咀行街同埋搵好嘢食。放工先係美麗華行咗一陣，然後沿着金巴利道行，見到好幾間韓式食肆，但大部份都係食韓式燒肉。行到哩間店門前，見有韓式pizza，所以決定一試。《迷你微辣大蝦熔岩pizza》，實物跟相一樣，芝士真的好軟，仲可以拉絲，個餅好脆，裹面加咗韓式微辣醬（個醬帶點甜味），成個餅嘅味好夾，好好味《韭菜煎餅》唔會好油膩，餅邊好脆，中間就軟軟的，好有韭菜味《泡菜豬肉湯》嘩，個湯好有係韓國地道嘅味道，濃濃嘅泡菜味，加上豬肉和大豆芽，好豐富。另外，哩度嘅煎餅，仲可以自己動手做。