新高麗苑韓國餐廳 (已搬遷) 新店位置

天氣開始轉凍，就約左三五知己一起去食韓燒，食d脂肪黎御寒，咁就當然選放題啦，終於最後決定左去食韓燒，就係網上search左附近既新高麗苑韓國餐廳，價錢適中可以任食，韓燒係最佳選擇。開始拿左幾味前菜：泡菜、白雲鳳爪、芽菜、白菜仔、甜薯仔……食完d熟食前菜就開始燒烤啦，我地拿左既肉類有：雞翼、牛肋骨、金菇肥牛、牛肉、牛肉粒、豬頸肉、牛扒、辣雞肉、牛仔骨。牛仔骨肉質軟熟。海鮮類：墨魚仔、魷魚片、魷魚蘇、多春魚，魷魚烤起身好爆香，口感爽脆，必燒選擇。燒左咁多肉黎d青菜互補下先，我地拿左生菜、金菇、冬菇、南瓜飽肚後就食d甜品：布丁、蕃薯糖水、木瓜雪耳，仲有唔少得既人蔘雞湯潤一潤喉。歡樂時光都係過得好快既，話咁快時間就過左，個肚都飽左，好滿足～