韓舍 (已結業)

旺角嘅韓舍去得多，元朗果間今次第一次去，入開元朗果邊搵朋友，知道韓舍抵食又唔差，於是乎走去幫襯下。入到去，一切食品都好熟口面，而且環境依然同旺角一樣咁闊落，唔會迫迫夾夾，大喜！今次幫襯，熱食方面居然有焗蠔！蠔夠新鮮味道唔錯，轉過頭想再囉都無嚕。其他食材一切都係咁熟識，一字骨，羊架，雞翼，牛仔骨等等味道醃制得啱啱好，唔會味道太重，而且唔需要點d咩醬咩油，已經好好味，其中魷魚翼係必食！以為煮得耐咗會過火，點知仍然好彈牙，一d都唔韌！驚喜！相信原因同新鮮有關。今次重發現咗一款好好味嘅甜品，叫水信玄餅，口味好似醬爆。食韓燒會擔心一身油煙味，哩方面韓舍處理得好好，食完出翻黎無咩油煙味。每次幫襯韓舍，都有一個感覺，想食嘅有好多，好味嘅有好多，甜品有好多，可惜肚腩位只得咁多.....