堅韓牛韓燒放題 (已結業)

女友人話想食韓國燒烤 又見到依度有韓牛 梗係要來試一試。 餐廳格局同一般韓式燒烤一樣，但有趣嘅係韓燒完仲可以食埋火鍋。 仲唔一次過滿足晒兩個願望。仲有酒精飲品都有免費任飲。坐低之後餐廳職員好快就遞上Menu，入邊有好多唔同嘅選擇，唔同嘅牛肉啦豬肉雞肉海鮮，仲有熱食。一坐低其實佢都會擺低一韓牛拼盤，但係呢個就冇得追加嘅，牛肉超級高質，好重牛肉味，入口即溶。 任食嘅其實質素都唔錯，選擇有好多，所有肉類都醃得好入味。一開始我哋食咗一啲韓式醃菜，之後就開始食肉類海鮮類，最後食埋雪糕真係好滿足。職員服務都好好久唔久就會問我哋有冇需要換過爐。飲品方面佢除咗有一般嘅罐裝飲品，亦都有一啲一支支嘅茶類飲品，當然仲有酒精飲品。