影片
更多
2020-02-19
120 瀏覽
近日因為香港疫情令我唔開心，突然好想食燒肉，我記得有朋友介紹韓舍都唔錯，我就走去試吓啦！首先見到門口有好多promotion嘅餐可以選擇，我就揀咗平日晚市$155個套餐！環境夠寬敞，我坐喺卡位，旁有一個水缸，原來係用嚟放活蝦🦐，內𥚃啲蝦好生猛！由於係燒肉放題，我就出去攞我想食嘅燒肉，一出到去就見到有個甜品櫃，有好多甜品選擇，有木糖布甸、芝士蛋糕、葡撻、椰撻、泡芙等，仲有水果🍉🍊呀！除咗甜品區外，仲有醃菜、壽司🍣、魚生同埋有幾款熱盤以供選擇！旁邊原來有自助汽水機同清酒任飲，最特別係有洛神花茶解渴去油膩！正呀🤩！仲有啤酒任飲！醬汁有十幾款選擇，好窩心😍！旁邊仲有人蔘雞湯同糖水，好滋潤呀！燒肉區有唔同款式嘅燒肉，牛豬羊雞魚當然唔少得，仲有魷魚🦑、雞腎、雞皮串等，種類繁多！而且有好幾種醃法，唔錯！除咗有肉類，有不同嘅蔬菜以提供燒烤，有粟米🌽茄子🍆車厘茄🍅韭菜等！最特別係韓舍提供章魚小丸子機同夾餅🧇機，可以俾一家大細又玩又食👨👩👦👦除咗有呢兩部機之外門口有一部爆谷🍿機、炒雪糕🍨機同棉花糖機！唔知以為我去咗酒店食buffet，估唔到咁有驚喜！至於食物方面
首先見到門口有好多promotion嘅餐可以選擇，我就揀咗平日晚市$155個套餐！環境夠寬敞，我坐喺卡位，旁有一個水缸，原來係用嚟放活蝦🦐，內𥚃啲蝦好生猛！
由於係燒肉放題，我就出去攞我想食嘅燒肉，一出到去就見到有個甜品櫃，有好多甜品選擇，有木糖布甸、芝士蛋糕、葡撻、椰撻、泡芙等，仲有水果🍉🍊呀！
除咗甜品區外，仲有醃菜、壽司🍣、魚生同埋有幾款熱盤以供選擇！旁邊原來有自助汽水機同清酒任飲，最特別係有洛神花茶解渴去油膩！正呀🤩！仲有啤酒任飲！醬汁有十幾款選擇，好窩心😍！旁邊仲有人蔘雞湯同糖水，好滋潤呀！
燒肉區有唔同款式嘅燒肉，牛豬羊雞魚當然唔少得，仲有魷魚🦑、雞腎、雞皮串等，種類繁多！而且有好幾種醃法，唔錯！除咗有肉類，有不同嘅蔬菜以提供燒烤，有粟米🌽茄子🍆車厘茄🍅韭菜等！
最特別係韓舍提供章魚小丸子機同夾餅🧇機，可以俾一家大細又玩又食👨👩👦👦除咗有呢兩部機之外門口有一部爆谷🍿機、炒雪糕🍨機同棉花糖機！唔知以為我去咗酒店食buffet，估唔到咁有驚喜！
至於食物方面，味道唔錯，唔會太咸亦都唔會好油膩！仲要個排煙口喺正鐵板上面，抽氣抽得唔錯！個鐵板仲要好大塊，可以放好多燒肉一齊燒！
熱盤方面我選擇咗炆豬軟骨同一啲炸物，仲有一啲前菜，有中華沙律、黑雲耳、熟蝦同青口！都好好食！仲要好新鮮！
最後我要好好安慰我第二個胃，嚟個甜品放題先，啲甜品款款都的的式式，每樣都可以試一啲，唔怕浪費！仲要好好味！好滿意！原本我想食埋炒埋雪糕🍨同夾餅🧇，可惜太飽食唔落啦！咁樣可以有藉口留返下一次再食🤣🤣🤣
雖然而家好少人嚟食，但食物質素一啲都唔會敷衍，全部都好新鮮製造！$155 加一真係好抵食！
希望香港🇭🇰快啲無事，等我可以安心再去搵啲咁高質同抵食嘅餐廳啦！
張貼
