韓牛牧場 (已結業)

韓牛牧場 🇭🇰銅鑼灣-好耐冇食過韓燒，路過銅鑼灣就試吓呢間韓燒先🤪 雖然想食韓燒，但lunch time又未去到好肚餓，所以唔係特別想食放題類型，咁啱見到呢間有韓燒嘅定量lunch set餐，所以就去試吓先！-Lunch Set🔎 1++ 韓牛韓燒定量午市餐（二人餐）$238-呢度lunch set無論食邊個餐，都會包飲品、沙律、前菜、小食任食🤤 嘢飲都算多種類，除咗基本嘅罐裝嘢飲之外，亦有啤酒同燒酒飲（仲有我最鍾意嘅蘆薈飲品呢😝）而係沙律吧就可以見到常見嘅沙律菜、番茄仔、胡麻醬等等，仲有就係韓燒必備的泡菜、中華沙律、生菜。終於到主食啦！呢度用咗好靚嘅六格木盒上盤，打卡一流😍 當中包括韓牛牛肋骨肉、韓醬韓牛肩胛肉、西班牙黑豚五花腩、韓式雞腿肉、虎蝦拼青口。一上盤就見到牛肉嘅紋好靚😍 肉類嘅份量大約每種4-6塊左右，有蝦同埋青口就每樣兩份，俾我哋一人一份，全部都雙數份量，咁就唔使爭啦🤪呢度韓燒嘅形式係用德國寶嘅韓燒烤爐，整潔得黎，又唔會有大煙嘅問題。枱上亦都有檯紙清晰介紹每款食物嘅燒烤時間，十分貼心。韓牛肉質好好！食落去冇筋，入口即溶🤤 蝦好新鮮，鮮味十足🦐，青口仲好貼心配上牛油，食落陣