梨滿園韓國料理 (已結業)

最近蜜桃小丸子一直都好想食肉，今日happy Friday 就搵咗間係樂富食韓牛嘅放題，$188食90分鐘。入面都幾大，有唔少梳化位，可以坐得舒舒服服。食物種類唔算超級多，但主要嘅都有，我地當然主攻肉類啦。一坐低就先來前菜，有泡菜、菠菜同豆芽，醃得都ok，唔會太酸。韓牛係新鮮同靚嘅，唔會好似出面啲韓燒咁用醬汁醃到好勁，等你食到原汁原味，唔夠再自己掂汁，仲有青口同帶子揀，熟食個蛋卷新鮮整出來熱辣辣，唔錯。服務員會不時幫手換咗個底板，啲嘢都算執得快。罐裝飲品任君選擇，最正佢有Zero，點飲都唔肥喇今次！最後我地食得超飽，啲肉嚟得都算快，仲有維記雪糕食！