GALBI TOWN

營業中

休息中

搵到間尖沙咀高質燒肉，仲有韓牛食😋 係一間好舒服嘅韓國菜餐廳。叫完嘢食就有好多韓式配菜，有泡菜、蛋卷、蓮藕等，當中竟然有凍蟹😋 好鮮甜。呢度嘅燒肉真係好食，我揀咗韓牛牛里脊、豬肋肉同埋特選牛肋骨肉。韓牛牛里脊好嫩好滑，牛味好濃郁，燒到半熟就可以食。豬肋肉都唔錯，肥瘦相間，味道甜甜地，真係好好味。特選牛肋骨肉更加有肉汁，燒烤過後更加香口，食落去好回味。加埋一碗熱辣辣嘅白飯，好正！我仲揀咗芬達同青葡萄汁嚟飲。芬達有氣泡，口感清爽，好解渴。青葡萄汁甜甜的，有濃郁嘅葡萄味。最後仲送生果盤，有蘋果🍎、橙🍊及梨🍐非常豐富。