炑八韓烤 (黃金廣場) (已結業)

早兩晚同朋友去銅鑼灣行街，買下衫，點都醫咗肚先。經過黃金廣場，見到炑八韓燒，即時好肚餓，二話不說就上去食晚飯。餐廳門口已經有熟悉嘅韓燒味道，實在好掛住韓國燒烤呀……雖然唔係任食，不過我哋叫咗個二人餐加芝士飯卷都非常飽。我地點咗：月灸月見和牛套餐、芝士熔岩泡菜紫菜包飯前菜: 泡菜好開胃, 沙律用上柚子芝麻醬, 好爽甜月灸月見和牛套餐：牛肩肉扒好濃嘅韓牛味道，唔算入口即溶，有啲咬口，配上奉送醬汁+生雞蛋，完全將件牛肉提昇更高層次。五花肉：好香，有醃過，沾少少韓式麵豉醬，好正，略嫌五花肉份量太少，只得兩塊。牛小排：比起牛肩扒柔軟, 牛味無咁重蝦: 幾新鮮芝士熔岩泡菜紫菜包飯: 熱辣辣嘅芝士配上泡菜飯卷, 出奇地夾, 芝士好厚, 每人食三件, 都好飽肚