韓閣 (已搬遷) 新店位置

荃灣韓閣除左抵食，d野食仲勁正宗，韓味十足！十分抵贊！派糖小食優惠，十零蚊有一款小食，款款經典，一d都晤hea,誠意滿分！太多韓國料理，非常岩食，韓粉一定要來啦！餐廳好貼心，用左可以儲物既桶凳，隨身物品可以放入去，食野更輕鬆 了。餐前附贈小食，海帶絲，韓式泡菜，開胃解饞。凍飲加7蚊，熱飲加5蚊，我揀左熱玉竹茶，朋友揀左梅汁，解渴爽口。紫菜粉絲卷，紫菜炸至金黃，外脆內軟，粉絲軟滑，沾上韓式辣醬，超級惹味！五花腩太陽蛋泡菜炒飯，撈勻蛋汁，飯變得更香口，紫菜絲超有韓國特色，五花腩肉味香口，如果食得辣就加韓辣醬，會更惹味。韓式無骨豬手，跟埋蒜片，豆瓣醬，啖啖肉，無骨真係好過癮！不會太咸，可以點鐘意既醬料，又可以用生菜包住食！必點！韓式海鮮煎餅，蔥香十足，蛋餅香口。蝶豆花特飲，顏色好靚，超爽口。