三清洞摩西 (已結業)

年糕鍋🍲 ($58up)突然又凍返，除左雞煲打邊爐，司令都中意食韓國既部隊鍋同年糕鍋，貪佢辣辣地🌶，食完即刻暖晒☺。三清洞摩西由韓國開到黎香港，司令個陣都想試旺角店，無奈太多人啦！好彩而家係銅鑼灣都有分店😏，即去！ 午市非常抵食，可先在五款鍋入面揀，而司令就揀左芝士🧀同烤肉🍖既鍋，入面已經包左大量年糕，煙煙韌韌，一上枱就食得。食得年糕鍋當然要配拉麵（$25）啦🍜！芝士多到拉到絲，勁淫！仲可以加配料（$18-25），司令心思思想乜都試，梗係叫晒黎試啦😍。記得要叫埋炒飯食，都有兩款揀，唔放過叫埋芝士炒飯（$35）啦，芝士控必去呀！