Running Korea (已結業)

韓風大熱， 連屋邨街市嘅熟食中心都有店舖 專食韓國嘢 一入到去你未嗌嘢，侍應已經畀咗餐前小吃你，有菠菜同辣青瓜，辣辣地，ok。 枱面仲放咗樽清水同水杯， 自己斟水飲。 叫咗一個之前食過嘅傳統紫菜包飯拼韓式伴粉絲 ，一共有九件紫菜包飯 ，其中兩件係頭同尾 ，不過不失 ，韓式粉絲鹹鹹地。 另外叫咗一個韓式炸雞塊，揀咗蜂蜜芥末醬， 配芝士麵。 雞塊炸得香脆 ，配埋蜂蜜芥末醬幾夾，芝士麵可以硬少少 。餐飲叫咗罐裝忌廉溝鮮奶同石榴汁，made in korea 。今日整體嚟講都ok， 呢度識揀嘢食係個重點， 上次嚟叫咗泡菜豆腐湯跟飯同牛肋骨湯跟飯， 啲餸係少得出奇