Roll & Mari (已結業)

今日做完嘢帶着家姐係尖沙咀行吓，要搵啲啱小朋友食嘅嘢，又要滿足自己，行行吓嚟到呢個韓式小店。餐廳設計簡單冇乜裝修，佢個Menu午餐由$38-65，唔貴呀。我哋梗係叫咗個最貴嘅人蔘雞湯， ＄65 ,跟一碗白飯。黎啦， 熱辣辣滾著咁上菜， 人蔘雞湯裏面，仲有大約¼碗嘅糯米飯，都好正宗。另外雞就大約有¼隻，肉質嫩滑，家姐食到唔停口，同我爭食。湯好似落咗少少胡椒粉，但係小朋友竟然冇覺得辣，仲飲咗兩碗埋單冇加一， 其實尖沙咀來講唔算貴。 碗飯又夠大碗， 如果我自己一個人應該食唔晒。