Pizza Maru (荃新天地)

營業中

休息中

荃新天地呢間長期都咁多人排隊，每次想食都要排好耐，無計啦，好食就要等。等左一陣，終於可以食炸雞。叫左個蜂蜜蒜泥炸雞，叫多個群蟹派對pizza, 再叫多一個韓番蟹肉芝士波。蜂蜜蒜泥炸雞好重蒜蓉味，蜂蜜又甜甜地，非常好味。炸雞炸得啱啱好，雞肉仲保持得好juicy, 叫左6件真係唔夠喉。韓番蟹肉芝士波好多蟹肉，好鮮甜，外脆內軟，芝士好香滑。個汁酸酸甜甜，帶少少辣，韓風style正呀。pizza好多蟹肉，好鮮甜，餅底好薄，好煙韌，和風燒汁再加木魚，多重口感，刺激味蕾，果然呢間係主打pizza, 好好味飲品方面有酒精同無酒精選擇，有水果梳打，水果茶不同選擇，啱晒唔飲酒嘅人。