影片
更多
2025-01-26
365 瀏覽
之前睇咗YouTuber 介紹話灣仔有間一定要試嘅韓式牛腸火鍋，見抽到時間就嚟試吓。牛腸火鍋 （大）呢個鍋有大量韓牛牛腸，平時唔太食內臟嘅我，食落覺得冇異味，入口唔會太油膩，係幾易入口；加上湯底用咗非常多佢哋自家調製嘅韓式辣醬，飲落充滿麵豉味道，配上大量菇菌類、蔬菜煲出蔬菜嘅甜味，所以呢個鍋可以話精華所在，相對一般火鍋湯底都幾濃厚。解酒煎餃子（八隻）平時較常食日式煎餃，韓式嘅煎餃少啲地方食到，所以點嚟試吓，冇諗過口感同食過嘅餃子咁唔同，皮薄得嚟煎得好脆口，亦冇穿餡嘅問題，沾上佢哋枱面有嘅特製芥末醬同青辣椒醬，食落更加特別，怕肥嘅我都忍唔住食多咗幾隻🤫牛蹄湯呢款牛蹄湯可以形容為有牛蹄嘅牛骨清湯，飲落有非常濃烈嘅牛香，而且煲至好白，原汁原味，牛蹄嘅精髓出哂嚟，鍾意牛骨湯嘅朋友真係要點嚟試吓。如果覺得唔夠鹹，仲可以加入枱上面嘅調味料自行調配屬於自己嘅牛蹄湯。個人幾鍾意嗰牛腸火鍋，（大）份量好足，完全係3-4人食都冇問題，當然我哋二人食有點其他食物，而且處理得幾好，食內臟冇異味係極重要，整體感覺每款都好做到有水準嘅味道，唔錯👍🏻
之前睇咗YouTuber 介紹話灣仔有間一定要試嘅韓式牛腸火鍋，見抽到時間就嚟試吓。
牛腸火鍋 （大）
呢個鍋有大量韓牛牛腸，平時唔太食內臟嘅我，食落覺得冇異味，入口唔會太油膩，係幾易入口；加上湯底用咗非常多佢哋自家調製嘅韓式辣醬，飲落充滿麵豉味道，配上大量菇菌類、蔬菜煲出蔬菜嘅甜味，所以呢個鍋可以話精華所在，相對一般火鍋湯底都幾濃厚。
解酒煎餃子（八隻）
平時較常食日式煎餃，韓式嘅煎餃少啲地方食到，所以點嚟試吓，冇諗過口感同食過嘅餃子咁唔同，皮薄得嚟煎得好脆口，亦冇穿餡嘅問題，沾上佢哋枱面有嘅特製芥末醬同青辣椒醬，食落更加特別，怕肥嘅我都忍唔住食多咗幾隻🤫
牛蹄湯
呢款牛蹄湯可以形容為有牛蹄嘅牛骨清湯，飲落有非常濃烈嘅牛香，而且煲至好白，原汁原味，牛蹄嘅精髓出哂嚟，鍾意牛骨湯嘅朋友真係要點嚟試吓。如果覺得唔夠鹹，仲可以加入枱上面嘅調味料自行調配屬於自己嘅牛蹄湯。
個人幾鍾意嗰牛腸火鍋，（大）份量好足，完全係3-4人食都冇問題，當然我哋二人食有點其他食物，而且處理得幾好，食內臟冇異味係極重要，整體感覺每款都好做到有水準嘅味道，唔錯👍🏻
張貼
