梨泰院 (愉景新城) (已結業)

今日去愉景睇完家品，隨便食好西，發現呢度有間餐廳個名同今年年頭好hit嘅韓劇同名，睇落應該唔錯，就決定食佢啦。😍😍😍入到去已經發現我無揀錯，成間餐廳嘅風格由壁畫到餐具都好韓🥳🥳淨係坐低飲杯野都值回票價😛當然我唔止嗌咗兩杯特別嘅野飲，藍色cocktail同菠蘿梳打，仲嗌咗三樣好韓嘅野食🤣🤣🥔薯仔燉排骨鍋 （星期一至四半價）嗌前都掙扎咗一陣，驚食得好論盡，結果證明係杞人憂天🤪薯仔同排骨都燉得好腍，尤其排骨用筷子一夾就鬆骨，好夠味，份量唔少，排骨有六舊，而且舊舊肥瘦適宜🤤🐔韓式炸雞係我哋食咗大半煲排骨上菜，唔知係咪安排好嘅，但我好鍾意咁嘅上菜速度~😋炸雞我哋揀咗原味和甜辣，原味搭配蜜糖芥末醬，甜辣就有陣玫瑰香味，好淑女，加咗醬依然香脆，可惜無嗌到啤酒，殘念🥺🥺🥢韓式炒粉絲幾乎檯檯必嗌嘅韓式炒粉絲，一上檯就聞到麻油香勁惹味，炒得好有鑊氣，粉絲入味煙韌配上爽脆雜菜，真係會食唔停口🙈🙈最後飽到上心口都係食唔曬要打包。🤪埋完單走，門口嘅姊姊仲係好熱情好有禮貌咁送客，成個用餐體驗，真係好似去咗轉韓國咁~😚😚😙