達人烤肉 (已結業)

一直對每台都有個獨立抽氣筒的韓國餐廳，都有好感  今日同朋友去左尖咀搵食，行左一陣後就去到達人烤肉門口，見到入面有好多抽氣筒下，就二話不説就入左去開餐~~入到去環境燈光有點略暗，氣氛不俗，招呼我地入座係個韓國人staff  開心開心~同時更發現周邊已經有好多枱客，睇黎應該無揀錯餐廳呱 侍應先來端上餐前小食，每人一碟洋蔥，仲有醬汁、蒜頭同沙律跟住送黎就係我點既棉花糖西柚梳打，個樣好靚，係女人都會鍾意  咁我就梗係要影番張相先，飲落就覺得酸酸地好開胃咁，我就鍾意將棉花糖壓落去溝埋黎飲，好味~~之後就到烤蛋出場，烤到見面層有結到一層焦就可以食，等得太耐後而會粘住，食落蛋好嫩滑，同埋有微微既焦香味，加上更夾雜一些蔥 ，真係好 ，我咁大食就梗要refill，加$10又有得食！！爐邊既甜粟米就有好多芝士，烤到芝士溶左同粟米融為一體後就可以食，芝士味好濃郁，同粟米既甜味結合 好香，淨係D配菜又點可以滿足我這個食肉獸~~最期待既五花腩肉終於登場，見到脂肪同瘦肉一半一半，真係未食而且興奮左先 韓籍staff會幫手燒，可能驚我地燒焦，見燒幾下就開始剪一小塊，好細心 燒好晒就會同我地講聲可以食